Рахимова «Ролан Гаррос»да якка турнирни якунлади

Тошкент, Ўзбекистон (UzDaily.uz) — Францияда ўтказилаётган «Ролан Гаррос» турнирида Ўзбекистон вакили Камилла Рахимова якка баҳслардаги иштирокини якунлади. Бу ҳақда Ўзбекистон Теннис федерацияси матбуот хизмати хабар берди.

Мусобақанинг иккинчи босқичида мамлакатнинг биринчи ракеткаси Чехиянинг дунё рейтингида 10-ўринда турадиган Каролина Мухова билан тўқнаш келди.

Учрашув икки сетда чех теннисчисининг ғалабаси билан якунланди — 6:2, 6:2.

Якка баҳслардаги иштирок тугашига қарамай, Камилла Рахимова турнирдa жуфтлик баҳсларида иштирокини давом эттиради.

Биринчи даврада у Анна Сискова билан ҳамкорликда Надия Киченок ва Макото Ниномия жуфтига қарши майдонга чиқади.