Ўзбекистон U-23 терма жамоаси АҚШни мағлуб этди

Тошкент, Ўзбекистон (UzDaily.uz) — Словенияда ўтаётган ўқув-машғулот йиғини доирасида Ўзбекистон ёшлар терма жамоаси U-23 АҚШ терма жамоасига қарши ўртоқлик учрашувида ғалаба қозонди. Учрашув 1:0 ҳисобида ўзбек жамоаси фойдасига якунланди.

Учрашувдаги ягона гол 64-дақиқада киритилди. Ғалаба голига Фирдавс Абдурахманов муаллифлик қилди.

Ушбу баҳс Ўзбекистон U-23 терма жамоасининг яқинлашиб келаётган халқаро мусобақаларга тайёргарлиги доирасида ташкил этилди ҳамда мураббийлар штабига ўқув-машғулот йиғини шароитида футболчиларнинг жорий ҳолатини баҳолаш имконини берди.