Минэнерго Тошкентдаги подстанциядаги носозликни бартараф этмоқда

Тошкент, Ўзбекистон (UzDaily.uz) — Тошкент шаҳрида 110 кВ кучланишли подстанцияда носозлик қайд этилди. Натижада Шайхонтоҳур ва Олмазор туманларининг айрим ҳудудларида электр таъминотида вақтинча узилишлар юзага келди. Бу ҳақда Ўзбекистон Энергетика вазирлиги маълум қилди.

Вазирлик маълумотига кўра, ҳодиса бугун соат 18:58 да содир бўлган ва 6 кВ кучланишли тармоқларни таъминловчи ускуналар билан боғлиқ бўлган. Шу сабабли айрим истеъмолчилар вақтинча барқарор электр таъминотисиз қолган.

Энергетика вазирлиги ҳодиса жойида махсус тезкор бригадалар иш олиб бораётганини маълум қилди. Масъул ходимлар ва соҳавий корхоналар вакиллари объектга етиб бориб, вазиятни назоратга олган.

Шунингдек, электр таъминотини имкон қадар тез тиклаш бўйича барча зарур чоралар кўрилаётгани айтилди. Истеъмолчиларга электр таъминотидаги вақтинча ноқулайликлар учун узр сўралди.