Тошкент, Ўзбекистон (UzDaily.uz) — 2024 йилда Монголия чегара хизмати 167 нафар Ўзбекистон фуқаросига нотўғри расмийлаштирилган визалар сабабли мамлакатга киришни рад этди. Бу ҳақда Монголиянинг Чет эл фуқаролари ва фуқаролиги масалалари бўйича бошқармаси хабар берди.

Асосий рад этиш сабаблари қуйидагиларни ўз ичига олди:

Саёҳат мақсадининг визада нотўғри кўрсатилиши

Нотўғри виза турини танлаш

Молиявий таъминланганликни тасдиқлай олмаслик

2024 йилда жами 30 та давлатдан 2,1 минг нафар хорижликка Монголияга кириш тақиқланган. Энг кўп рад этиш ҳолатлари Хитой ва Жанубий Корея фуқароларига тўғри келди.

Электрон визалар жорий этилиши чегарадаги депортациялар сонининг камайишига сабаб бўлди. 2025 йилнинг январь-февраль ойларида 211 нафар хорижлик Монголияга кириш имкониятига эга бўлмади, шулардан 19 нафари Ўзбекистон фуқароси эди.

Эслатиб ўтамиз, Ўзбекистон фуқаролари Монголияга визасиз кириш ҳуқуқига эга бўлиб, 30 кунгача ушбу мамлакатда визасиз қолишлари мумкин. Улардан фақатгина халқаро паспорт бўлиши талаб қилинади.