Qahramon Isroilov O‘zbekiston harbiy prokurori etib tayinlandi

Toshkent, O‘zbekiston (UzDaily.uz) — O‘zbekiston prezidenti Shavkat Mirziyoyev o‘z farmoni bilan Otabek Xolboyevni O‘zbekiston Respublikasi Bosh prokurori o‘rinbosari — mamlakat Harbiy prokurori lavozimidan ozod qildi.

Davlat rahbarining boshqa farmoni bilan Qahramon Isroilov O‘zbekiston Respublikasi Bosh prokurori o‘rinbosari — Harbiy prokuror lavozimiga tayinlandi.

Ushbu tayinlovga qadar Qahramon Isroilov harbiy prokuror o‘rinbosari sifatida faoliyat yuritgan.

Eslatib o‘tamiz, Otabek Xolboyev 2025 yil may oyida O‘zbekiston Bosh prokurori o‘rinbosari — Harbiy prokuror lavozimiga tayinlangan edi.