Toshkent, O‘zbekiston (UzDaily.uz) — Farg‘onada shahar jamoat transporti tizimini takomillashtirish, tashuvchi korxonalar tomonidan birinchi galda harakat tarkibini zamonaviy avtobuslar bilan yangilash choralari ko‘rilmoqda.

"Toshloq avto servis" korxonasi tomonidan shaharga Xitoy davlatida ishlab chiqarilgan YUTONG rusumli 12 dona zamonaviy avtobuslar olib kelindi.

Mazkur avtobuslar brutto-shartnoma asosida yo‘nalishlarga biriktiriladi. Joriy yil yakuniga qadar yana 60 dona avtobuslar olib kelish ko‘zda tutilgan.