Йил бошидан Ўзбекистонга 57,7 мингдан ортиқ Хитой фуқаролари келган

Тошкент, Ўзбекистон (UzDaily.uz) — 2024 йилнинг январь-октябрь ойларида 57,7 минг нафар Хитой фуқаролари Ўзбекистон Республикасига ташриф буюрган.

Бу кўрсаткич 2023 йилнинг мос даври билан солиштирилганда 22,3 минг нафарга ёки 63,1 % га ошган.

Шу билан бирга, дам олиш ва ҳордиқ чиқариш мақсадида мамлакатимизга 50052 нафар, қариндошларни йўқлаш – 1121 нафар, хизмат юзасидан – 4732 нафар, бошқа мақсадларда – 1795 нафар Хитой фуқаролари ташриф буюрган.