Хусанов «Манчестер Сити»нинг Чемпионлар лигаси қайдномасига киритилди

Тошкент, Ўзбекистон (UzDaily.uz) — Ўзбек ҳимоячиси Абдуқодир Хусанов «Манчестер Сити»нинг янги мавсум Чемпионлар Лигаси учун қайдномасига киритилди, дея хабар бермоқда клубнинг расмий сайти.

Хусановдан ташқари рўйхатда Райан Аит-Нури, Натан Аке, Маркус Беттинелли, Оскар Бобб, Райан Шерки, Рубен Диаш, Жереми Доку, Жанлуижи Доннарумма, Фил Фоден, Нико Гонсалес, Йошко Гвардиол, Эрлинг Холанд, Родри, Матео Ковачич, Омар Мармуш, Матеус Нунес, Штефан Ортега, Тиджани Рейндерс, Савиньо, Бернарду Силва, Жон Стоунс ва Жеймс Траффорд ҳам бор.

2025/2026 йилги мавсум Чемпионлар Лигасининг гуруҳ босқичида «Манчестер Сити» Дортмунднинг «Боруссия»си, Мадриднинг «Реал»и, «Байер», «Вильярреал», «Наполи», «Будё-Глимт», «Галатасарай» ва «Монако»га қарши майдонга тушади.