Мазкур фестивални Хитой Халқ Республикаси Матбуот, ноширлик, радиоэшиттириш, кинематография ва телевидение ишлари бўйича Давлат бош бошқармаси ҳамда “Ўзбеккино” Миллий агентлиги ҳамкорликда ташкил этишди.

Фестиваль режиссёр Ёлқин Тўйчиев томонидан суратга олинган “Ҳаётда...” фильми билан очиб берилди. Шунингдек, фестиваль доирасида юртимиз киноижодкорлари томонидан яратилган “Қудуқ”, “Виждон”, “Ота”, “Тубанлик”, “Сеҳрли қалпоқча” номли бадиий фильмлар кунчиқар юрт киноихлосмандларига намойиш этилади.