ШҲТ Саммити давомида аъзо мамлакат раҳбарлари ШҲТ таркиби аъзоларининг кенгайиши, халқаро майдондаги нуфузли ташкилот сифатида обрўсини янада ошириш масалаларини муҳокама қилишади.

ШҲТ вакиллари глобал ва минтақавий аҳамиятдаги долзарб муаммолар бўйича фикр алмашадилар. Муҳокамалар натижаларига кўра муҳим аҳамиятга эга бўлган бир қатор ҳужжатлар қабул қилиниши кутилмоқда.

“Саммит доирасида Владимир Путиннинг бир қатор хорижий давлат етакчилари билан икки томонлама учрашувларни ўтказиш режалаштирилган”, - қайд этади Кремль матбуот хизмати.