Тошкент, Ўзбекистон (UzDaily.uz) — 2024 йил якунига кўра, Uzbekistan Airways миллий авиакомпанияси 687,5 млрд сўм миқдорида соф фойда қайд этди. Бу 2023 йилга нисбатан 67,4% кўпроқдир. 

Активлар 0,5% га ўсиб, 17,9 трлн сўмга етди. Компания капитали 7,9 трлн сўмни ташкил қилди, бу ўтган йилга нисбатан 1,3% га кўпдир. 

Uzbekistan Airways миллий авиакомпаниясининг даромади 19,9 фоизга ошиб, 17,5 трлн. сўмни ташкил этди, компаниянинг ялпи фойдаси эса 21,7 фоизга ўсиб,2,7 трлн сўмни ташкил қилди.

Бошқа операцион харажатлар 398,1 млрддан 1,5 трлн сўмга ошди. Валюта курсларидаги фарқлардан олинган даромадлар 1,5 трлндан 541,1 млрд сўмга камайган бўлса, ушбу йўналишдаги харажатлар эса 2,0 трлндан 845,4 млрд сўмга қисқарди.

Бундан ташқари, 149,9 млрд сўмлик қопланмаган зарар тўлиқ қопланиб, тақсимланмаган фойда 293,3 млрд сўмни ташкил этди. Компаниянинг узоқ муддатли банк кредитлари йил якунида 1,0 трлн сўмга камайиб, 6,8 трлн сўмга етди.