Тошкент, Ўзбекистон (UzDaily.uz) — Урганчда жамоат транспорти янгиланмоқда: “Бунёд йўлловчи ташиш” МЧЖга Хитойда ишлаб чиқарилган 30 та замонавий «Zong tong» автобуслари топширилди, деб хабар бермоқда Транспорт вазирлиги матбуот хизмати.

Автобусларни харид қилиш ҳаракат таркибини янгилаш ва йўловчиларга хизмат кўрсатиш сифатини ошириш лойиҳасининг бир қисми бўлди.

Корхона томонидан "Ўзмиллийбанк" АЖнинг имтиёзли кредитлари асосида жами 80 дона "Зонг тонг" русумли автобусларни харид қилиш юзасидан шартнома тузилган.

Лойиҳанинг биринчи босқичида 50 та автобус харид қилинган бўлса, қолган 20 та автобус тез орада Урганчга етиб боради.