Тошкент, Ўзбекистон (UzDaily.uz) — Ўзбекистон ёшлар терма жамоаси Хитойда бўлиб ўтадиган 20 ёшгача бўлган футболчилар ўртасидаги Осиё чемпионатининг гуруҳ босқичидаги рақибларини билиб олди.

Ўзбекистон терма жамоаси Яман, Индонезия ва Эрон билан бир гуруҳдан жой олди.

Амалдаги Осиё чемпионлари мусобақани Яманга қарши ўйин билан очади, сўнгра Индонезия билан учрашади ва гуруҳ босқичининг сўнгги ўйини Эронга қарши ўтказилади.

Турнир 2025 йилнинг 12 февралидан 1 мартига қадар Хитойда бўлиб ўтади.

Шунингдек, чемпионатда энг яхши тўртта жамоа Чилида бўлиб ўтадиган ФИФА U-20 Жаҳон чемпионатига йўлланмани қўлга киритишини ҳам таъкидлаш жоиз.