Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Туркия Республикасининг Ўзбекистондаги Фавқулодда ва Мухтор Элчиси Олган Бекарни ўзининг дипломатик миссиясини якунлаши муносабати билан қабул қилди.

Суҳбат давомида вазир икки давлат раҳбарлари ўртасидаги дўстона муҳит ҳар томонлама ҳамкорликни мустаҳкамлаш учун мустаҳкам асос эканлигини таъкидлади.

Бахтиёр Саидов элчининг ўзбек-турк муносабатларини мустаҳкамлашдаги катта ҳиссасини алоҳида қайд этиб, унга самимий миннатдорчилик билдирди ва келгуси фаолиятида муваффақиятлар тилади.