Тошкент, Ўзбекистон (UzDaily.uz) — Янги тузилма телекоммуникация ва рақамли технологиялар соҳасидаги қўшма лойиҳаларни амалга ошириш бўйича мувофиқлаштирувчи марказга айланади. Бу ерда минтақа мамлакатлари ўртасида рақамли инфратузилмани ривожлантириш, инновацион ечимларни жорий этиш ва тажриба алмашиш масалалари муҳокама қилинади ҳамда янги ташаббуслар ишлаб чиқилади.

Тантанали очилиш маросимида АШҲ бош директори Алексей Бородин, Рақамли технологиялар вазири Шерзод Шерматов, ҳамда АШҲ Кенгаши ва Мувофиқлаштирувчи кенгаш делегациялари раҳбарлари ва вакиллари иштирок этди.

Тадбир иштирокчиларининг таъкидлашича, Тошкентда АШҲ бўлимининг очилиши Ўзбекистоннинг минтақадаги рақамли жараёнлардаги фаол иштирокини мустаҳкамлабгина қолмай, балки Марказий Осиё мамлакатлари ўртасидаги алоқа ва ахборот-коммуникация технологиялари соҳасида амалий ҳамкорлик учун янги имкониятлар яратади.

Ушбу бўлим штаб-квартира мутахассислар ўртасида ҳамкорлик, стратегик масалаларни муҳокама қилиш ва рақамли трансформация йўналишида янги ташаббусларни бошлаб берувчи доимий майдонга айланиши кутилмоқда.

Бу Ўзбекистон Республикаси Президентининг рақамли трансформацияга оид устувор йўналишларни ҳаётга татбиқ этиш борасида белгилаб берган муҳим вазифалар ижросининг бири бўлиб, мамлакатнинг IТ-ҳубга айланиш йўлидаги ҳаракатларини яна бир бор тасдиқлайди. Ушбу бўлим ўз фаолиятини UZTELECOM биносида бошлайди.