Қайд этамиз, Тошкент шаҳридаги Инҳа университети кетма-кет иккинчи маротаба кенг жамоатчилик учун, кириш имтиҳонлари жараёнларининг шаффофлиги ва очиқлигига ишонч ҳосил қилишлари учун, университетнинг “Facebook” даги расмий саҳифаси ҳамда махсус саҳифа орқали кириш имтиҳонларининг видео-стримингини ташкил этмоқда.

IUT кириш имтиҳони жараёнларини кенг жамоатчилик учун реал вақт (online)да намойиш этаётган Ўзбекистондаги дастлабки университетлардан ҳисобланади. Университет бу йил ҳам кириш имтиҳонларининг видео-стримингини ташкил этмоқда. Кириш имтиҳонлари ўтказилиши мўлжалланган «Ўзкўргазмасавдо» биносида веб-камералар ўрнатилган, улар ўз навбатида онлайн тарзда кириш имтиҳонларининг барча жараёнларини кўрсатади. Барча хоҳловчилар кириш имтиҳонлари жараёнларини live.inha.uz. ҳаволаси орқали online кузатишлари мумкин.

Саҳифа TAS-IX ҳудудида жойлашганлиги сабабли, видео оқимнинг юкланишдаги тезлигини таъминлайди. Кўпгина интернет-провайдерлар TAS-IX даги трафикларга ҳақ олмагани учун, фойдаланувчиларнинг маблағлари тежалади.

Лойиҳа “EastTelecom” ва “Real Solutions” компаниялари билан ҳамкорликда ташкиллаштирилмоқда. “EastTelecom” компанияси лойиҳани амалга ошириш учун интернет каналини тақдим этган бўлса, “Real Solutions” компанияси видео стримингни ташкил этишда кўмак берди.

Шунингдек, IUT университетнинг “Facebook” ижтимоий тармоғидаги https://www.facebook.com/inha.uz расмй саҳифаси орқали кириш имтиҳонларининг видео-стримингини ташкил этмоқда.

Қайд этамиз, ўтган йили бўлгани каби, IUT бу йил ҳам кириш имтиҳонлари жараёнларининг шаффофлиги ва очиқлигига ишонч ҳосил қилишлари учун, мазкур жараёнларни кузатиш учун оммавий ахборот воситалари вакилларини ҳам таклиф қилди.

10 дан ортиқ нашр ва телеканалларнинг журналистлари кириш имтиҳони жараёнига катта қизиқиш билдириб, мазкур тадбирда иштирок этишларини тасдиқлашди.