Тошкент, Ўзбекистон (UzDaily.uz) — 9 январь куни Тошкент метросида поездда носозлик кузатилди.

«Тошкент метрополитени» матбуот хизмати маълумотига кўра, ҳодиса соат 11:51 лар атрофида Мирзо Улуғбек бекатига ҳаракатланиб келган 29-сонли ҳаракат таркибида машинист томонидан носозлик аниқланган.

Шу сабабли поезддаги йўловчилар бекатга туширилган ва йўналишдаги интервалга таъсир қилмаган ҳолда ушбу ҳаракат таркибидаги носозликни аниқлаш ҳамда уни бартараф этиш мақсадида текширув йўлаги томон юборилган.

Ҳозирги вақтда йўналишдаги поездлар белгиланган жадвал асосида ҳаракатланмоқда.