Авиакомпаниянинг қайд этишича, Шанхай ҳамкорлик ташкилоти саммити расмий делегацияси самолётларининг учиб кетишини таъминлаш муносабати билан 2016-йилнинг 24-июнь куни маҳаллий вақт билан соат 13.00 дан 18.00 гача “Тошкент” аэропорти йўловчи қатновларини бажариш учун ёпиқ бўлади.

“Ўзбекистон ҳаво йўллари” МАКнинг шу пайт ичида режалаштирилган қатновлари шу куни маҳаллий вақт билан 18.00 дан сўнг бажарилади.

Вақтинчалик ноқулайликлар учун Миллий авиакомпания ўз йўловчиларидан узр сўрайди.