Тошкент, Ўзбекистон (UzDaily.uz) — “BBC Studios France” делегацияси “Топ Gear France” дунёга машҳур автомобиль кўрсатувининг янги қисмини суратга олиш учун Ўзбекистонга етиб келди.  

Франция делегацияси, жумладан, бошловчилар ва тасвирчилар жамоаси кўрсатувни Ўзбекистоннинг табиати ва бой маданий мероси фонида тасвирга олишни бошлаб юбордилар. 

Янги қисмда ҳаяжонли автомобиль синовлари ҳамда Ўзбекистон гўзал кўчалари, тоғлари ҳамда Тошкент ва Самарқанд шаҳарларининг мафтункор манзаралари намойиш этилади. Делегация мамлакатнинг бетакрор гўзаллиги ва автомобилсозлик салоҳиятини бутун дунё мухлисларига кўрсатишга интилмоқда.