Ташкент, Узбекистан (UzDaily.uz) – ТерДУ Денов филиали Тожикистон давлат педагогика университети билан қўшма факультет очиш бўйича меморандум имзолади

Садриддин Айний номидаги Тожикистон давлат педагогика университети ректори, тарих фанлари доктори, профессор Нўмонжон Ғаффори таклифига кўра Термиз давлат университети Денов филиали вакиллари Душанбе шаҳрида бўлишди.

Учрашув чоғида ТерДУ Денов филиали билан Тожикистон давлат педагогика университети ўртасида қўшма факультет очиш бўйича меморандум имзоланди.

Унга кўра, Филиалда Тожикистон давлат педагогика университети билан ҳамкорликда қўшма факультет фаолиятини йўлга қўйиш режалаштирилган.

Бугунги кунда ТерДУ Денов филиали Тожикистон Республикасининг 3 та олий таълим муассасаси билан ҳамкорлик қилиб келмоқда. Ушбу юртдан 4 нафар профессор-ўқитувчилар Деновга келиб, ёшларга илм сирларини ўргатишмоқда.

Манба: Олий ва ўрта махсус таълим вазирлигининг расмий телеграм канали.