Тошкент, Ўзбекистон (UzDaily.uz) — Жарқўрғон туманидаги Оқ-Тепа сув омбори ҳудудида экотуризмни ривожлантириш бўйича Бош режа (Мастер режа) ва Батафсил режалаштириш лойиҳаси ишлаб чиқилди. Ушбу режа фуқаролар, бизнес вакиллари, маҳаллий ҳокимият ва инвесторлар билан ҳамкорликда ишлаб чиқилиб, барча томонларнинг манфаатларини ҳисобга олиш имконини берди.

Қишлоқ ҳудудининг Бош режаси экотуризм лойиҳасини амалга ошириш учун комплекс стратегияни белгилайди. У ҳудудни функсионал ҳудудларга ажратиш, транспорт инфратузилмасини қуриш ва туристик обектларни батафсил режалаштиришни ўз ичига олади. Шунингдек, режа ҳудудни ривожлантириш стратегиясини ишлаб чиқишга ва маҳаллий ҳамда хорижий сайёҳларнинг оқимини оширишга йўналтирилган.

Ушбу Бош режа ижтимоий-иқтисодий ва экологик шароитларни баҳолаш ҳамда туризм, қишлоқ хўжалиги ва саноат каби соҳаларда ривожланишнинг асосий йўналишларини белгилаш бўйича тавсияларни ўз ичига олади.

Ушбу лойиҳанинг амалга оширилиши ҳудуднинг барқарор ривожланишига ҳисса қўшади ва маҳаллий иқтисодиётга сезиларли таъсир кўрсатади.