Тошкент, Ўзбекистон (UzDaily.uz) — 2025 йил 26 апрель куни Ватиканнинг Авлиё Пётр майдонида Рим папаси Францискнинг дафн маросими бўлиб ўтди.

Унда Ўзбекистон Республикаси Олий Мажлиси Сенати Раисининг биринчи ўринбосари Содиқ Сафоев ҳам Ўзбекистон томонидан расмий вакил сифатида қатнашди.

Дафн маросимида жаҳоннинг кўплаб мамлакатлари раҳбарлари, қироллик оилаларининг аъзолари ва таниқли дин арбоблари иштирок этди.

Эслатиб ўтамиз, Рим папаси Франциск 2025 йил 21 апрель куни 88 ёшида Ватикандаги қароргоҳида вафот этган эди.

Ўзбекистон Республикаси Президенти Шавкат Мирзиёев Рим папаси Францискнинг вафоти муносабати билан Рим-католик черкови Камерленгоси Кардинал Кевин Фарреллга ҳамдардлик йўллаган эди.