Ташкент, Узбекистан (UzDaily.uz) - Жорий йилнинг 18 апрел куни Инновацион ривожланиш вазирининг биринчи ўринбосари Шароф Ражаббоев Япония элчисининг маслаҳатчиси Суда Асуши ҳамда элчихона биринчи котибаси Ямото Ёко хонимни қабул қилди.

Учрашув 2019 йил 29 май куни Тошкентда ҳукумат ва хусусий сектор даражасида бўлиб ўтадиган “шаҳарлар инфратузилмаси” ўзбек-япон конференсиясини юқори савияда ўтказишга қаратилди.

Режалаштирилган Конференсияда Япониянинг хукумат вакиллари, хусусан Япония Ер, инфратузилма, транспорт ва туризм вазирлиги раҳбарлари, 15 дан ортиқ япон тижорат компаниялари вакиллари ҳамда меҳмон сифатида Туркия қурилиш компаниялари иштирок этиши кутилмоқда.

Тадбирдан кутилаётган натижа – Япониянинг илғор технологияларини Ўзбекистон шаҳарлари инфратузилмасини қуриш ва ташкил этишда қўллашдир.

Манба: Инновацион ривожланиш вазирлигининг расмий сайти.