Тошкент, Ўзбекистон (UzDaily.uz) — Жорий йилнинг 2 апрель куни Хитойнинг "SF Airlines" авиакомпанияси Ланчжоу - Тошкент - Ланчжоу йўналиши бўйича илк юк рейсини амалга оширди.

Авиакомпаниянинг Boeing757 самолёти маҳаллий вақт билан соат 10:40 да Тошкент халқаро аэропортига қўнди. Анъанага кўра, самолёт сув аркаси билан кутиб олинди.

Юк ташувлари Boeing757 самолётларида амалга оширилиши режалаштирилган. Дастлабки босқичда рейслар ҳафтасига икки марта амалга оширилади, кейинчалик ресйслар сони оширилиши кутилмоқда.

"SF Airlines" штаб-квартираси Шенчженда (Гуангдонг, Хитой) жойлашган Хитойнинг етакчи юк авиакомпаниясидир. 2005 йилда ташкил этилган авиакомпания Хитойнинг энг йирик логистика гуруҳларидан бири "SF Holding Company Limited" таркибига киради.