Мазкур масалаларни ижобий ҳал этиш, аҳолини арзон, кўп хонали уйлар билан таъминлаш мақсадида, Сергели тумани “Чоштепа” маҳалла фуқаролар йиғини ҳудудида 30 га ер майдони ажратилиб, замонавий типдаги 60 та 7 қаватли уйлар қурилиши бошланди. Ушбу уйларнинг ҳар бирида 70 тадан хонадон бўлиб, жами 4000 хонадон жойлашади.
Қурилаётган уйларни шу йилнинг охиригача қуриб битказиш ва фойдаланишга топширишни ўз олдимизга мақсад қилиб қўйганмиз дейди қурилиш ташкилоти раҳбари.
Шу билан бирга, ушбу қурилаётган уйлар ҳудудидан замонавий спорт майдончаси, болалар ўйингоҳлари, мактаб, мактабгача таълим муассасаси, тиббиёт бўлими, дам олиш маскани, кутубхона, маиший хизмат кўрсатиш мажмуалари ҳам ўрин олган.
Уйларнинг қурилишига бугунги кунда энг замонавий техникалар жалб қилинди. Биз билан суҳбатда Яшнобод туманида истиқомат қилаётган Дилбар Умирзоқова ўзига берилган уйни ўз кўзи билан кўрганидан бир хонада саккиз киши яшаб эндиликда алоҳида яшаш шароити қилинаётганидан кўзига ёш олиб Президентимизга, Ҳукуматимизга ўз миннатдорчилигини билдирди. Дилбар Умирзоқова сингари туманлардан ўз уйларини қурилиши бошланганини кўргани келган ҳамшаҳарларимиз, оммавий ахборот воситаларига интервю берар экан ўз хурсандчиликларини яшира олмадилар.