Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йил январь–март ойлари давомида Ўзбекистонда 19 212 та кичик тадбиркорлик субъекти (фермер ва деҳқон хўжаликларисиз) қайд этилди.

Бу кўрсаткич 2024 йилнинг шу даврига нисбатан 1,4% га ошган бўлиб, мамлакатда кичик бизнес ривожланишидаги ижобий тенденция сақланаётганини англатади.

Иқтисодий фаолият турлари бўйича янги ташкил этилган субъектларнинг тақсимоти таҳлили қуйидагича:

Савдо соҳаси — 7 253 та

Қишлоқ, ўрмон ва балиқчилик хўжалиги — 2 631 та

Саноат — 2 310 та

Турар жой ва овқатланиш хизматлари — 1 618 та

Қурилиш — 1 108 та

Ахборот ва алоқа — 741 та

Транспорт ва сақлаш — 620 та

Соғлиқни сақлаш ва ижтимоий хизматлар — 360 та

Бошқа соҳалар — 2 571 та

Шу тариқа, савдо соҳаси мамлакатда кичик тадбиркорликни ривожлантиришда етакчи йўналиш сифатида қолмоқда.