Тошкент, Ўзбекистон (UzDaily.uz) — 4 апрель куни Самарқанд шаҳрида “Марказий Осиё – Европа Иттифоқи” биринчи саммити бўлиб ўтди. Ушбу тадбир Ўзбекистон Республикаси Президенти Шавкат Мирзиёев раислигида ўтказилди.

Саммитда Марказий Осиё давлатлари раҳбарлари, Европа Кенгаши Президенти Антониу Кошта, Европа Комиссияси Президенти Урсула фон дер Ляйен, шунингдек, ЕБРР ва Европа инвестиция банки раҳбарлари иштирок этди.

Учрашув давомида сиёсий мулоқотни мустаҳкамлаш, иқтисодий ва инвестициявий ҳамкорликни кенгайтириш, “яшил” энергетика, транспорт, инновация, маданият, таълим ва хавфсизлик соҳаларида ҳамкорлик истиқболлари муҳокама қилинди.

Президент Мирзиёев минтақада амалга оширилаётган барқарор ислоҳотларни алоҳида қайд этди ҳамда Европа Иттифоқига интеграция жараёнларига кўрсатаётган қўллаб-қувватлови учун миннатдорлик билдирди. У янги ҳамкорлик платформаларини йўлга қўйиш, европалик компаниялар учун ягона саноат парки ташкил этиш, Транскаспий коридорини ривожлантириш ҳамда Бош вазир ўринбосарлари даражасида Ҳамкорлик қўмитасини ташкил этиш ташаббусларини илгари сурди.

Саммит якунида стратегик ҳамкорлик тўғрисидаги Қўшма декларация ва танлаб олинадиган минерал ресурслар соҳасида ҳамкорлик декларацияси имзоланди.