Тошкент, Ўзбекистон (UzDaily.uz) — Самарқанд шаҳридаги турар жойда юз берган газ портлаши оқибатида ҳалок бўлганлар сони етти нафарга етди. Бу ҳақда «Millar» дастури эфирида маълум қилинди.

Ҳодиса 9 майга ўтар кечаси, Спитамен кўчасидаги “Боғисарой” маҳалласида жойлашган кўп қаватли уйда содир бўлган. Дастлабки тахминларга кўра, бир квартирада газ чиқиши юз бериб, шундан сўнг газ-ҳаво аралашмаси портлаши содир бўлган. Гарчи ёнғин келиб чиқмаган бўлса-да, портлаш натижасида темир-бетон конструкциялар вайрон бўлган. Ҳодисадан ертўла, биринчи, иккинчи ва учинчи қаватлар жиддий шикастланган.

Фавқулодда вазиятлар хизматлари ходимлари бутун тун давомида ҳодиса жойида қутқарув ишларини амалга оширишган. Аввалига олти нафар марҳумнинг жасади топилган, 10 май куни тонгда вайроналар остида еттинчи қурбоннинг жасади аниқланган.

Ҳозирда дастлабки тергов ишлари давом этмоқда. Мутахассислар ҳодиса сабабларини ўрганмоқда ва газ ускуналаридан фойдаланиш қоидаларига риоя этилган-этилмаганини текширмоқда.