Тошкент, Ўзбекистон (UzDaily.uz) — Ўзбекистон Олий Мажлиси Қонунчилик палатасида Самарқанд шаҳри чегараларини ўзгартириш бўйича ҳужжатни тайёрлаш ишлари бошланди.

Вазирлар Маҳкамаси таклифига кўра, Самарқанд туманидан 170 гектар ва Оқдарё туманидан 243 гектар ер майдонини Самарқанд шаҳри таркибига ўтказиш назарда тутилмоқда.

Шу тариқа, шаҳар майдони 413 гектарга кенгайиши мумкин.

Ҳозирда парламент депутатлари мазкур қонун лойиҳаси ва резолюция устида иш олиб бормоқда. Ушбу ҳужжатлар сиёсий партиялар фракциялари доирасида муҳокама қилинади. Ҳозирча лойиҳанинг якуний варианти ишлаб чиқиш жараёнида.