Тошкент, Ўзбекистон (UzDaily.uz) — Россияда содир бўлган ЙТҲда уч киши, жумладан, Ўзбекистон фуқароси ҳалок бўлди.

Воқеа 10 ноябрь куни эрталаб Россиянинг Пенза вилоятидаги М-5 федерал автомагистралининг 738-километрида содир бўлган.

Ўзбекистоннинг Қозондаги Бош консуллиги маълумотларига кўра, ЙТҲ оқибатида уч киши ҳалок бўлган, улардан бири Ўзбекистон фуқароси. Қолган икки қурбоннинг миллати аниқланмоқда.

Бундан ташқари, Пенза вилоятининг Кузнецк туманлараро касалхонасига турли даражадаги тан жароҳатлари билан икки нафар Ўзбекистон фуқароси етказилган.

Бош консуллик вазиятни назоратга олди, вакиллар шошилинч масалаларни зудлик билан ҳал қилиш учун воқеа жойига боришди.

Маҳаллий ҳокимият органлари билан ҳамкорликда жабрланганларга тиббий ёрдам кўрсатиш, ҳалок бўлганларнинг жасадларини ватанига жўнатишни ташкил этиш ишлари олиб борилмоқда.