Тошкент, Ўзбекистон (UzDaily.uz) — Фармацевтика тармоғини ривожлантириш агентлиги директори Абдулла Азизов "Remedy" МЧЖ корхонаcига "Tashkent Pharma Park” инновацион илмий-ишлаб чиқариш фармацевтика кластери иштирокчиси гувоҳномаси тақдим этди.

“Remedy” МЧЖ корхонаси "Tashkent Pharma Park” инновацион илмий-ишлаб чиқариш фармацевтика кластери ҳудудида янги лойиҳа доирасида инфекцион, кардиологик, эндокринологик, неврологик, гастроэнтерологик, аллергик ва ревматологик йўналишдаги янги авлод дори воситалари ишлаб чиқариш режалаштирилган. Йиллик иш қуввати 167 млн. дона дори воситалари ишлаб чиқариш.

“Remedy” МЧЖ корхонаси ўз фаолиятини 2003 йилда бошлаган. Турли ҳил дори-воситаларни ишлаб чиқариш заводи Тошкент шаҳар, Олмазор туманида жойлашган.