Рақобат қўмитаси MAKESENSE ва ARHAT GRAVURE ўртасидаги иқтисодий концентрация битимини тасдиқлади
Тошкент, Ўзбекистон (UzDaily.uz) — Рақобат қўмитаси томонидан “MAKESENSE” МЧЖ ХК томонидан “ARHAT GRAVURE" МЧЖнинг улушларини олиш бўйича аризаси кўриб чиқилди.
“MAKESENSE” МЧЖ ХК – “Uzum nasiya” электрон платформасида маҳсулотларни бўлиб тўлаш лойиҳасига шуъба корхоналари орқали инвестициялар киритиш билан шуғулланувчи ташкилот;
“ARHAT GRAVURE" МЧЖ телекоммуникация ускуналари савдоси билан шуғулланувчи ташкилот ҳисобланади.
Қўмита томонидан ўтказилган комплекс таҳлиллар шуни кўрсатдики, мазкур битим товар бозорида рақобатни чеклашга ёки монополияни шакллантиришга олиб келмайди.
Шу муносабат билан, Махсус комиссия томонидан ўтказилган таҳлил натижаларига кўра, мазкур битим юзасидан рақобатни таъминлашга қаратилган талаблар асосида розилик бериш ҳақида қарор қабул қилинди.