Осиё чемпионатининг аёллар иштирокидаги баҳслари якунланди

Тошкент, Ўзбекистон (UzDaily.uz) —Таиландда аёллар ўртасида бўлиб ўтган Осиё чемпионати якунланди.

Ўзбекистон терма жамоаси вакилалари 3 та олтин, 4 та кумуш ва 2 та бронза медалини қўлга киритишди.

Терма жамоага олтин медалларни Фарзона Фозилова, Феруза Казакова ва Навбахор Ҳамидова тақдим этди.

Ўзбекистонлик спортчи қизларнинг финал жанглари натижалари:

48 кг: Фарзона Фозилова Вьетнам вакили Линх Чи Нгони 4:1 ҳисобида мағлуб этди.

52 кг: Феруза Казакова Украина вакили Светлана Уманскаяни 5:0 ҳисобида енгди.

54 кг: Азиза Якубова Таиланд вакили Натниче Чонгпронгклангга 1:4 ҳисобида мағлуб бўлди.

57 кг: Нигина Ўктамова Таиланд вакили Пунрава Руенросга 0:5 ҳисобида ютқазди.

66 кг: Навбахор Ҳамидова Хитой вакили Хуипинг Юанни 4:1 ҳисобида мағлуб этди.

75 кг: Азиза Зокирова Хитой вакили Лина Вангга 0:5 ҳисобида ютқазди.

+81 кг: Олтиной Сотимбоева Қозоғистон вакили Елдана Талиповага 1:4 ҳисобида мағлуб бўлди.

Ғолиб ва совриндорларимиз билан танишинг:

 Олтин медал:
-48 кг: Фарзона Фозилова
-52 кг: Феруза Казакова
-66 кг: Навбаҳор Ҳамидова

 Кумуш медал:
-54 кг: Азиза Якубова
-57 кг: Нигина Ўктамова
-75 кг: Азиза Зокирова
+81 кг: Олтиной Сотимбоева

 Бронза медал:
-50 кг: Сабина Бобоқулова
-81 кг: Соҳиба Рўзметова

Эртага эркаклар ўртасидаги финал баҳслари бўлиб ўтади.