2016-йилнинг 20-июль куни Тошкентда Ўзбекистон спорт делегациясини кузатиш маросими бўлиб ўтди.

Қайд этамиз, 2012-йилдаги Лондонда ўтган ёзги Олимпиада ўйинларида Ўзбекистондан 63 нафар спортчилар иштирок этганди. Рио-де-Жанейро шаҳрида ўтказиладиган XXXI ёзги Олимпиада ўйинларида Ўзбекистондан 100 нафарга яқин спортчилар иштирок этишади.

Улар академик эшкак эшиш, бадиий гимнастика, байдарка ва каноэда эшкак эшиш, бокс, дзюдо, енгил ва оғир атлетика, спорт гимнастикаси, стол тенниси, сузиш, таэквондо (WTF), теннис, трамполин, ўқ отиш, эркин ва греко-рим кураши каби спорт турларида иштирок этишади.