Тошкент, Ўзбекистон (UzDaily.uz) -- Одноклассники янги сервис ҳисобланган “Гуруҳлар учун хабарлар” ни ишга туширишганлигини маълум қилди. Унинг ёрдамида фойдаланувчилар саҳифаларга ва гуруҳларга хабарлар ёборишлари мумкин. Гуруҳ маъмурлари бундай хабарларга ҳам веб-талқин ёрдамида, ҳам мобил мосламадан жавоб беришлари мумкин. Бу ҳақда Одноклассники ижтимоий тармоғининг бизнесини ривожлантириш бўйича менежери Семён Боярский хабар берди.

Бундан ташқари Одноклассники гуруҳлар учун ботлар ишлаб чиқаришга кўмак берадиган API ни очиш борасидаги ишлар борасида ҳам маълум қилди. Яқин бир ой давомида мазкур янгиликларни ёпиқ тарзда синовдан ўтказишади, ана шундан сўнггина эса ундан барча истовчилар фойдаланишлари мумкин бўлади.