Тошкент, Ўзбекистон (UzDaily.uz) — Ўзбекистоннинг ўсмирлар терма жамоаси (U-17) CAFA U-17 Championship 2025 турнири финалига йўл олди. А гуруҳида қатнашган жамоа гуруҳ босқичини муваффақиятли якунлаб, икки ёрқин ғалаба қайд этди.

Дастлабки учрашувда ўзбекистонлик футболчилар Қирғизистон ёшлар жамоасини 5:1 ҳисобида мағлуб этдилар. Иккинчи беллашувда эса терма жамоа ирода ва характер кўрсатиб, Эрон жамоасини 4:2 ҳисобида енгди. Қизиғи шундаки, биринчи тайм якунларига кўра, ўзбекистонликлар 0:2 ҳисобида орқада эдилар.

Турнир финалида Ўзбекистон терма жамоаси B гуруҳини 6 очко билан биринчи ўринда якунлаган Тожикистон жамоасига қарши майдонга тушади.