«Central Asia Chemicals» ОАЖ «Ўзкимёсаноат» кўмагида Ангренда натрий лауретсульфати (SLES), алкилбензолсульфон кислота (LABSA) ва кир ювиш кукунлари ишлаб чиқаришни йўлга қўйди. 

Технологик ва ишлаб чиқариш қувватлари бўйича илғор бўлган мазкур лойиҳага $14 млн инвестиция киритилган ва 100га яқин иш ўрни яратиш кўзда тутилмоқда.

Бутун МДҲ ҳудудида 4та сульфитлаш қурилмаси бор ва Ўзбекистонда ишга тушаётган корхона сон жиҳатидан бешинчи бўлди.

Маълумот учун, SLES ва LABSA косметика, шахсий гигиена воситалари, идиш-товоқ ювиш учун суюқ воситалар ишлаб чиқаришда, текстиль, полиграфия, лак-бўёқ, нефть ва чарм саноатида кенг қўлланилади.