Ўзбекистонда Etos агентлиги лицензиясидан маҳрум этилди

Тошкент, Ўзбекистон (UzDaily.uz) — Ўзбекистонда фуқароларни хорижда ишга жойлаштириш хизматларини кўрсатиб келган Etos xususiy bandlik agentligi МЧЖ лицензияси бекор қилинди. Бу ҳақда расмий маълумотларга таяниб хабар берилди.

Маълумотларга кўра, 2025 йил 21 апрель куни берилган №0080 лицензия хусусий бандлик агентлигининг ўз аризаси асосида бекор қилинган. Мазкур ариза 2026 йил 20 май куни №2730096 рақами билан рўйхатдан ўтган.

Натижада агентлик Ўзбекистон Республикаси фуқароларини хорижда ишга жойлаштириш бўйича хизматлар кўрсатиш ҳуқуқидан маҳрум бўлди.

Таъкидланишича, «Хусусий бандлик агентликлари тўғрисида»ги қонунга мувофиқ, лицензия бекор қилинганидан сўнг компаниянинг хорижда ишга жойлаштириш фаолиятини амалга ошириши тақиқланади.

Фуқароларга Etos xususiy bandlik agentligi фаолияти билан боғлиқ мурожаат ва шикоятларни Миграция агентлигига юбориш тавсия этилди.

Мурожаатларни қабул қилиш муддати жорий йилнинг 20 июнига қадар белгиланган. Расмий хабарда мурожаатлар учун алоқа телефони ҳам келтирилган.