Тошкент, Ўзбекистон (UzDaily.uz) — Ўзбекистонда дронларнинг ҳаво маконидаги ҳаракатини режалаштириш ва назорат қилиш учун мўлжалланган ATM Safe Sky тизими жорий этилди.

Инновацион тизим «Ўзаэронавигация» маркази томонидан тақдим этилди. У минтақадаги биринчи лойиҳалардан бири бўлиб, дронларнинг тўқнашувларини олдини олиш ва учиш хавфсизлигини таъминлаш мақсадида яратилган. Учувчисиз учиш аппаратларининг тижорат ва давлат соҳаларида кўпайиб бораётганидан келиб чиқиб, бу муҳим қадам ҳисобланади.

ATM Safe Sky дастури шахсий компьютерлар ва iOS ҳамда Android операцион тизимли мобил қурилмаларга ўрнатиш учун мўлжалланган. Авторлаштирилган фойдаланувчиларга реал вақт режимида режалаштирилган учишлар ҳақида маълумот олиш имконияти яратилади.

Тизим ишлаб чиқувчиларининг кейинги режаларида дронларнинг жойлашувини кузатиш функциясини жорий этиш ва учиш учун аризаларни мобил иловалар орқали топшириш имкониятини таъминлаш ўрин олган.

«Ўзаэронавигация» маркази эслатиб ўтганидек, Ўзбекистонда дронларни учириш фақат 2022 йил 15 ноябрдаги Вазирлар Маҳкамасининг қарорига мувофиқ лицензия олинган ҳолдагина мумкин.