Тошкент, Ўзбекистон (UzDaily.uz) — Январдан апрель ойигача бўлган даврда Ўзбекистонда 106,8 мингта енгил автомобил сотилди. Бу ҳақда “Ўзавтосаноат” компанияси маълум қилди.

Энг кўп савдо ҳажми UzAuto Motors ҳиссасига тўғри келди — тўрт ойда 59 427 автомобил сотилди, бу умумий савдонинг 55,6%ини ташкил этади. Иккинчи ўринда UzAuto Motors таркибига кирувчи Khorezm Auto жойлашган: 28 789 автомобил, ёки бозорнинг 26,9%.

ADM Jizzakh — 12 120 автомобил (11,3%), BYD Uzbekistan Factory — 5 953 (5,6%), Asaka Motors — 397 (0,4%), SamAuto — 124 (0,1%), Jizzakh Auto — 31 автомобил (0,03%).

Брендлар кесимида етакчиликни Chevrolet сақлаб қолган — 88 216 автомобил сотилган. Ундан кейинги ўринларда: KIA (7 360), BYD (5 953), Chery (2 633), Haval (2 127), Hyundai (274), Isuzu D-Max (124) ва Wuling (77).

Моделлар орасида мутлақ етакчи — Chevrolet Cobalt: йил бошидан бери 42 504 дона сотилган. Иккинчи ўринда — Chevrolet Damas (19 151), учинчи ўринда — Chevrolet Tracker (10 366).

Энг оммабоп ўнталикка қуйидаги моделлар ҳам киради: Chevrolet Labo (9 638), Chevrolet Onix (5 671), KIA Sonet (5 231), BYD Song Plus Champion DMI (1 988), BYD Chazor (1 293), BYD Song Plus DMI (1 129) ва Chery Tiggo 7 Pro (987).