Япониянинг «Masui Co Ltd» савдо компанияси вакили - Акико Ичими ва «Ўзтўқимачиликсаноат» уюшмаси раиси ўринбосари Б.Муҳаммадсаидовлар ўртасида учрашув бўлиб ўтди.

Учрашувда Ўзбекистон корхоналари билан ҳамкорлик масалалари, жумладан, бизнесни масъулиятли олиб бориш (business responsibility), тўқимачилик маҳсулотлари (xususan, organik kalava iplar va tayyor to'qimachilik mahsulotlari) экспортини кенгайтириш, қайта ишлаш масалалари муҳокама қилинди. Шунингдек, 1-3 февраль кунлари Бухоро, Навоий ва Самарқанд шаҳарларидаги корхоналарга ташриф режаси ҳам муҳокама қилинди.

Музокаралар якунида Япония бозори учун Ўзбекистонда ишлаб чиқарилаётган тўқимачилик маҳсулотлари сифатини назорат қилиш бўйича қўшма дастур тайёрлашга келишиб олинди.