Учрашувда, у ўтган йили икки томонлама ҳамкорлик учун муваффақиятли бўлгани ва бунда муҳим роль Қозоғистон ва Ўзбекистон давлат раҳбарларига тегишли эканлиги таъкидланди.

Маълумки, икки давлат раҳбарлари томонидан савдо-иқтисодий ҳамкорликни ривожлантириш учун чора-тадбирлар қабул қилиш бўйича Қозоғистон ва Ўзбекистон ҳукуматларига кўрсатма берилган.

Томонлар ўзаро савдо айланмасининг юқори динамикасини қайд этдилар. Қозоғистон ва Ўзбекистон ўртасидаги товар айланмаси 2017 йилда 2 млрд. долларни ташкил қилган, бу эса 2016 йилга нисбатан 31,2 фоизга кўпдир. 2017 йилда Қозоғистондан Ўзбекистонга экспорт 1,3 млрд. долларни ташкил этиб, 35 фоизга ўсди. Қозоғистондан Ўзбекистонга импорт 735,2 млн. долларни ташкил этиб, 25,1 фоизга кўпайди.

«Биз ўзаро савдо соҳасида барқарор ижобий динамикани қўллаб-қувватлаймиз. Товар айирбошлаш ҳажмини янада кўпайтириш ва кенгайтириш ўзаро савдо ҳажмини оширишга хизмат қилади. Бундан ташқари, биз 2017 йилда имзоланган савдо шартномалари ва битимларини ўз вақтида амалга оширишимиз керак », - деди А. Раматов.

Савдо-иқтисодий ҳамкорлик динамикасини ҳисобга олган ҳолда томонлар 2018 йилда савдо айланмасининг ўсишини 3 млрд. долларгача таъминлаш учун ўзаро келишилган чора-тадбирларни амалга ошириб, 2020 йилга келиб, товар айланмасини 5 млрд. долларга етказишмоқчи.