Тошкент, Ўзбекистон (UzDaily.uz) — Жакартада Туризм қўмитаси раиси У. Шадиев Индонезиянинг Дин ишлари вазири Н. Умар билан учрашув ўтказди. Музокараларда Дин ишлари қўмитаси раисининг биринчи ўринбосари Д. Маҳсудов ҳам иштирок этди.

Учрашув давомида вазир Ўзбекистонда индонезиялик сайёҳларни, айниқса зиёрат ва бошқа туризм турлари билан қизиқувчиларни жалб этиш учун барча шароитлар мавжуд эканлигини таъкидлади.

Учрашув якунида томонлар зиёрат туризми йўналишларини ва «Умра+» дастурини индонезиялик мутахассислар иштирокида ишлаб чиқиш бўйича ҳамкорлик қилишга келишиб олди. Шунингдек, ислом таълим муассасалари талабалари учун таълимий туризм дастурларини кенгайтириш бўйича қарор қабул қилинди.