Тошкент, Ўзбекистон (UzDaily.uz) — Ўзбекистон Республикаси рақамли технологиялар вазири ўринбосари Жамол Махсудов Эстониянинг Ўзбекистондаги янги элчиси Яап Ора билан учрашув ўтказди.

Учрашув давомида Ўзбекистон ва Эстония ўртасида рақамли технологиялар соҳасида ҳамкорликни ривожлантириш масалалари муҳокама қилинди.

Хусусан, Эстония тажрибасидан рақамли ҳукумат, электрон виза тизими ва бошқа рақамли ечимлар йўналишларида фойдаланиш имкониятлари кўриб чиқилди.

Шунингдек, томонлар ахборот технологиялари, телекоммуникациялар, рақамли иқтисодиёт ва электрон хизматлар соҳасида шерикликни кенгайтиришга тайёр эканликларини билдирдилар.

Учрашув якунига кўра, келгусидаги алоқаларни ривожлантириш ва ҳамкорлик учун янги имкониятларни қўллаб-қувватлаш бўйича келишувга эришилди.