Тошкент, Ўзбекистон (UzDaily.uz) — «Марказий Осиё – Европа Иттифоқи» илк саммити доирасида Ўзбекистон Республикаси Президенти Шавкат Мирзиёев Украина атрофидаги вазиятни тинч йўл билан ҳал этиш масаласи юзасидан фикр билдирди.

Давлат раҳбари таъкидлашича, Ўзбекистон музокара жараёни бошланганини қутлайди ва уни тўлиқ қўллаб-қувватлайди.

«Жуда мураккаб ва осон ҳал бўлмайдиган масалаларни ҳал этиш кераклигини тушунамиз. Аммо олиб борилаётган дипломатик саъй-ҳаракатлар ва сиёсий ечимдан ўзга альтернатива кўрмаяпмиз», — деди Шавкат Мирзиёев.