Тошкент, Ўзбекистон (UzDaily.uz) — 2024-йилнинг январь-октябрь ойлари давомида Ўзбекистон корхоналари томонидан 317 663 дона енгил автомобил ишлаб чиқарилган, дея хабар беради Статистика агентлиги.

Маълумотларга кўра, ҳисобот даврида UzAuto Motors томонидан 134 581 дона Chevrolet Cobalt автомобили ишлаб чиқарилган, бу 2023 йилнинг шу даврига нисбатан 50,5% га кўпдир.

Chevrolet Gentra ишлаб чиқариш 12 837 дона (80,5 фоизга пасайган), Chevrolet Damas  эса 80 541 дона бўлиб, 16,2% га ўсган. Шунингдек, 35 283 та Chevrolet Tracker (3,9% га) ва 29 094 та Chevrolet Onix автомобиллари (14,4% га ўсган) ишлаб чиқарилган.

Ўзбекистонда 10 ой давомида 5950 дона Chery (30,7% га пасайган), 17054 дона KIA (ўсиш 27,3%), 6 дона Lada ва 2317 дона Haval автомобиллари ишлаб чиқарилган.

Шунингдек, мамлакатимизда 20 532 дона ихтисослаштирилган енгил автомобил ишлаб чиқарилди, бу ўтган йилга нисбатан 12,5% га кўпдир.