Тошкент, Ўзбекистон (UzDaily.uz) — Ўзбекистон Республикаси Адлия вазири Акбар Ташкулов Озарбайжон Республикаси Адлия вазири Фарид Ахмедов бошчилигидаги делегация билан учрашув ўтказди.

Учрашув давомида томонлар икки мамлакат ўртасидаги дўстона ва стратегик муносабатларни мустаҳкамлаш ҳамда ривожлантириш ниятини тасдиқладилар.

Суҳбат чоғида адлия соҳасидаги ҳамкорликнинг ҳозирги натижалари ва истиқболлари, шунингдек, қўшма саъй-ҳаракатларни янада мувофиқлаштириш имкониятлари муҳокама қилинди.

Учрашув якунлари бўйича 2025–2026 йилларга мўлжалланган ҳамкорлик тўғрисидаги келишув имзоланди, у қуйидаги асосий йўналишларни қамраб олади: норматив-ҳуқуқий ҳужжатларнинг таъсирини баҳолаш, юридик кадрлар малакасини ошириш, нотариал фаолиятни такомиллаштириш, шунингдек, ҳуқуқий соҳада рақамлаштириш ва сунъий интеллектни жорий этиш бўйича тажриба алмашиш.