Тошкент, Ўзбекистон (UzDaily.uz) — 2025 йилнинг январ–апрель ойлари давомида Ўзбекистон 8 860 тонна помидор экспорт қилиб, 10,3 миллион АҚШ доллари миқдорида даромад олди. Бу ҳақда Давлат статистика қўмитаси маълум қилди.

Экспорт қилинган маҳсулотларнинг асосий қисми Россияга юборилган — 8 031 тонна.

Қўшни Қирғизистонга 379 тонна, Қозоғистонга 329 тонна помидор етказиб берилган. Шунингдек, Бирлашган Араб Амирликлари 89 тонна, Беларусь эса 11 тонна ўзбек помидорини харид қилган.

Бошқа давлатлар ҳиссаси эса 21 тоннани ташкил этган.