Энг сўнгги янгиликлардан хабардор бўлинг
Телеграм каналимизга обуна бўлинг
Спорт
14/04/2012
ЎФФ олимпия терма жамоаси мураббийлар штабини тарқатиб юборди
ЎФФ олимпия терма жамоаси мураббийлар штабини тарқатиб юборди
Тошкент, Ўзбекистон (UzDaily.uz) --
Вадим Абрамов, Марат Мифтахуддинов, Тохир Кападзе каби мураббийларнинг Ўзбекистон олимпия терма жамоаси билан шартнотмаси апрель ойида ўз кучини йўқотди. Шу сабабли мураббийлар штаби тарқатиб юборилди. Бу ҳақда ЎФФ хабар беради.
Ўзбекистон олимпия терма жамоаси Вьетнамда бўлиб ўтган Лондон-2012 минтақавий саралаш турнирида муваффақиятсиз иштирок этиб, ХХХ ёзги олимпияда ўйинларига бориш имкониятини йўққа чиқарганди. Бу борада Уммон олимпия терма жамоасига қарши ўйин Лондон-2012 йўлидаги энг сўнгги расмий учрашув сифатида тарихда қолди.
Энди Ўзбекистон олимпия терма жамоаси Ўзбекистон футбол федерацияси терма жамоалар маркази олдидаги вазифасини адо этиб бўлди. Натижада мазкур терма жамоа мураббийлар штаби тарқатиб юборилди.
Бош мураббий Вадим Абрамов бир вақтнинг ўзида миллий терма жамоа бошқарувида ҳам экани сабаб, мутахассис Ўзбекистон футбол федерацияси билан ҳамкорликни давом эттиради. Унинг олимпия терма жамоасидаги ёрдамчилари – Тохир Кападзе ва Марат Мифтахуддинов ўз вазифасидан озод этилди.
СЎНГИ ЯНГИЛИКЛАР