Энг сўнгги янгиликлардан хабардор бўлинг
Телеграм каналимизга обуна бўлинг
Ўзбекистон
18/07/2016
NIPA Президенти IUT фаолияти билан танишди
NIPA Президенти IUT фаолияти билан танишди
Тошкент, Ўзбекистон (UzDaily.uz) --
2016-йилнинг 15-июль куни Корея Республикасининг Ахборот технологиялари саноатини ривожлантириш бўйича Миллий агентлиги (NIPA) Президенти Юн Жонг Лок Тошкент шаҳридаги Инҳа университетига (IUT) ташриф буюрди.
NIPA Президенти Юн Жонг Лок 13-15-июль кунлари Тошкент шаҳрида ўтган Эркин ва очиқ дастурий таъминот масалалари бўйича Ўзбекистон-Корея форумда иштирок этиш учун Ўзбекистонга етиб келди.
Тошкент шаҳридаги Инҳа университети ректори Шерзод Шерматов меҳмонни қутлади ва Жанубий Корея университетининг хориждаги илк филиали фаолияти билан меҳмонни таништирди.
Жумладан, университет ҳозирда “Компьютер инжиниринг” ва “Дастурий инжиниринг”, ҳамда янги “Логистика” йўналишлари бўйича малакали мутахассислар тайёрлаётганлигини айтди.
Учрашув давомида томонлар Тошкент шаҳридаги Инҳа университети ва NIPA ўртасидаги ҳамкорлик масалаларини муҳокама этдилар. NIPA Президенти IUTни Корея компаниялари орасида кенг тарғиб этиш нияти борлигини айтди, бу эса университет бирирувчиларига янги имкониятларни очади.
Учрашув сўнггида NIPA президенти Юн Жонг Лок университет ташрифлар китобига ўзининг самимий тилак ва истакларини ёзиб қолдирди.
СЎНГИ ЯНГИЛИКЛАР